جوڑوں میں نئی طرز زندگی کا رجحان “Apartners” کیا ہے؟ جانیں تفصیل
جوڑوں میں نئی طرز زندگی کا رجحان “Apartners” کیا ہے؟ جانیں تفصیل
دنیا بھر میں رشتوں کے انداز تیزی سے بدل رہے ہیں، اور ایک نیا رجحان “Apartners” یعنی “الگ رہنے والے ساتھی” جوڑوں میں تیزی سے مقبول ہو رہا ہے۔ اس رجحان میں شادی شدہ یا طویل مدتی رشتے میں موجود جوڑے ایک دوسرے سے محبت تو کرتے ہیں مگر ساتھ نہیں رہتے۔
Apartners کا مطلب ہے ایسے ساتھی جو جذباتی طور پر ایک دوسرے سے جڑے ہوتے ہیں لیکن روزمرہ کی زندگی علیحدہ گزارنے کو ترجیح دیتے ہیں — یعنی علیحدہ گھر، علیحدہ معمولات، مگر ایک مضبوط رشتہ۔
یہ رجحان ان افراد میں زیادہ دیکھا جا رہا ہے جو ذاتی آزادی، کیریئر، یا ذہنی سکون کو اہمیت دیتے ہیں، مگر رشتہ بھی نبھانا چاہتے ہیں۔ کچھ افراد اسے ذہنی دباؤ سے بچاؤ، ذاتی اسپیس اور بہتر تعلقات کے لیے مفید قرار دیتے ہیں۔
ماہرین نفسیات کے مطابق، یہ رجحان مغربی دنیا سے شروع ہوا ہے اور اب ایشیائی معاشروں میں بھی آہستہ آہستہ جگہ بنا رہا ہے، خاص طور پر ان افراد میں جو روایتی شادی یا ساتھ رہنے کے دباؤ سے بچنا چاہتے ہیں۔
