مگر مچھوں سے بھری دلدل میں طیارے کی ہنگامی لینڈنگ! 5 مسافروں نے 36 گھنٹے کیسے زندہ گزارے؟
مگر مچھوں سے بھری دلدل میں طیارے کی ہنگامی لینڈنگ! 5 مسافروں نے 36 گھنٹے کیسے زندہ گزارے؟
فلوریڈا — امریکی ریاست فلوریڈا کے ایک خطرناک دلدلی علاقے میں ایک چھوٹے طیارے کی ہنگامی لینڈنگ نے دنیا کو چونکا دیا، جہاں طیارے میں سوار پانچ مسافروں نے مگر مچھوں سے بھری دلدل میں 36 گھنٹے گزار کر ناقابل یقین انداز میں خود کو بچایا۔
رپورٹس کے مطابق، یہ واقعہ Everglades نامی مشہور دلدلی علاقے میں پیش آیا، جہاں طیارے کے انجن میں خرابی کے باعث پائلٹ کو فوری لینڈنگ کرنا پڑی۔ طیارے نے جیسے ہی زمین چھوئی، اس کا ایک پہیہ دلدل میں دھنس گیا، مگر تمام افراد محفوظ رہے۔
مگر اصل امتحان اس کے بعد شروع ہوا جب انہیں امداد ملنے میں 36 گھنٹے لگ گئے۔ اس دوران نہ صرف شدید گرمی، مچھروں اور مگر مچھوں کا سامنا رہا، بلکہ پانی اور خوراک کی کمی نے انہیں شدید اذیت میں مبتلا کیے رکھا۔
بالآخر ایک ریسکیو ہیلی کاپٹر نے ان کی لوکیشن ٹریس کر کے انہیں بحفاظت نکالا۔ تمام مسافروں کو معمولی خراشیں آئیں، مگر کسی کی جان کو خطرہ نہیں ہوا۔
