گھریلو کتے نے چار ہزار ڈالرز کھا لیے، مالک نے کیسے وصول کیے؟

گھریلو کتے نے چار ہزار ڈالرز کھا لیے، مالک نے کیسے وصول کیے؟

گھریلو کتے نے چار ہزار ڈالرز کھا لیے، مالک نے کیسے وصول کیے؟

امریکی جوڑے کے ایک گھریلو پالتو کتے نے 4,000 ڈالر کے نوٹوں سے بھرا ہوا لفافہ نقل کھا لیا لیکن اصل میں جو زیادہ حیران کردینے والی بات ہے، وہ یہ ہے کہ اس جوڑے نے  کتے سے 3،550 ڈالرز کامیابی سے وصول کر لئے لیکن آخر کیسے ؟ ۔

امریکی میڈیا سے لی گئی تفصیلات کے  مطابق امریکی شہر پٹسبرگ میں رہنے والے کلیٹن لا نے مقامی میڈیا کو تفصیلات بتائیں کہ وہ اور ان کی اہلیہ، کیری اپنے گھر پر مزدوروں سے اپنے لان  باڑ لگوا رہے تھے۔ مزدوری 4000 ڈالرز طے ہوئی تھی۔

انہوں نے مزید بتایا کہ کام تھوڑی دیر کا تھا جس پر انہوں نے مزدوری ادا کرنے کے لیے 4000 ڈالرز سے بھرا لفافہ کچن کے کاؤنٹر پر ہی رکھ دیا تھا جو کہ 100 اور 50 ڈالرز کے نوٹوں سے بھرا ہوا تھا۔

لیکن  جب وہ تقریباً  آدھے گھنٹے بعد کچن میں واپس آئے تو لفافہ وہاں موجود ہی نہیں تھا۔ جونہی انہوں نے انہیں ڈھونڈھنے کی غرض سے  ادھر ادھر  دیکھا تو وہ حیران رہ گئے کیوںکہ  ان کا پالتو کتا ، سیسل نوٹ چبا رہا ہے۔

انہوں نے مزید  بتایا کہ میں جب میں  کمرے میں گیا تو کچھ نقدی چبائی ہوئی زمین پر پڑی ہوئی تھی۔جبکہ زیادہ تر اس نے نگل لی ل تھی۔ میں نے فوراً کیری کو آواز دی اور کہا کہ سیسل نے 4000 ڈالرز نگل لیے۔

دونوں  نے زمین پر پڑے نوٹوں کے ٹکڑوں کو سمیٹا  اور انہیں بڑی مشکل سے جوڑنا شروع کیا  جس پر وہ کُل 1500 ڈالرز بنے۔ باقی انہوں نے دو دن تک کتے کی اُلٹیوں اور فضلات سے نوٹوں کو جمع کیا اور ان کی صفائی کرکے انہیں خشک کیا اور بڑی مشکل سے سیریل نمبر دیکھ کر جوڑا۔ اس محنت کا آخر کار انہیں صلہ مل گیا اور انہیں اپنے پورے پیسے ہی وصول ہوگئے ۔