شاکنگ انکشاف: عمران خان کی بہنوں سمیت پی ٹی آئی رہنماؤں کے خلاف دہشتگردی کا مقدمہ درج – اڈیالہ جیل دھرنے پر پٹرول بم اور تشدد کے الزامات!
مقدمہ درج ہونے کی تفصیلات
راولپنڈی: سابق وزیراعظم اور پی ٹی آئی چیئرمین عمران خان اور ان کی بہنوں سمیت پارٹی کے سینئر رہنماؤں کے خلاف دہشتگردی سمیت متعدد سنگین دفعات کے تحت مقدمہ درج کر لیا گیا ہے۔ یہ مقدمہ اڈیالہ جیل کے باہر گزشتہ رات ہونے والے دھرنے اور احتجاج کے سلسلے میں درج کیا گیا۔
پولیس کی ایف آئی آر کے مطابق، کل 35 نامزد اور تقریباً 400 نامعلوم افراد کے خلاف مقدمہ درج کیا گیا ہے۔
سڈنی دہشت گردانہ حملے کے بارے میں انکشافات
نامزد ملزمان کون ہیں؟
نامزد ملزمان میں عمران خان، ان کی بہنیں علیمہ خان اور عظمٰی خان، نعیم پنجوتھا، تابش فاروق، طیبہ راجا، نادیہ خٹک، ہارون، راجا اسد عباس، ظفر گوندل اور شفقت عباس شامل ہیں۔
پولیس کے الزامات کیا ہیں؟
الزامات کے مطابق، مظاہرین نے دھرنے کے دوران پولیس پر پٹرول بموں سے حملے کیے، تشدد کیا، دفعہ 144 کی خلاف ورزی کی اور سرکاری املاک کو نقصان پہنچایا۔ پولیس کا کہنا ہے کہ 14 ملزمان کو موقع سے گرفتار کر لیا گیا اور انہیں انسداد دہشتگردی عدالت میں پیش کر دیا گیا ہے۔
دھرنے کی وجہ اور پس منظر
یاد رہے کہ گزشتہ رات پی ٹی آئی کارکنوں اور عمران خان کی بہنوں نے اڈیالہ جیل کے باہر دھرنا دیا تھا، جہاں وہ عمران خان سے ملاقات نہ ہونے پر احتجاج کر رہے تھے۔ پی ٹی آئی کا الزام ہے کہ جیل حکام عدالتی احکامات کی خلاف ورزی کر رہے ہیں، جبکہ پولیس نے احتجاج کو پرتشدد قرار دیا ہے۔
پی ٹی آئی کا ردعمل
پی ٹی آئی رہنماؤں نے مقدمے کو سیاسی انتقام قرار دیتے ہوئے مسترد کر دیا ہے۔ پارٹی ترجمان کا کہنا ہے کہ یہ احتجاج پرامن تھا اور حکومت خواتین سمیت مظاہرین پر تشدد کر رہی ہے۔ تفتیش جاری ہے اور مزید گرفتاریاں متوقع ہیں