عالمی منڈی میں خام تیل کی قیمت گر گئی، عوام کیلئے اچھی خبر؟
عالمی منڈی میں خام تیل کی قیمت گر گئی، عوام کیلئے اچھی خبر؟
عالمی منڈی میں خام تیل کی قیمت میں نمایاں کمی دیکھی گئی ہے، جس کے بعد یہ اُمید کی جا رہی ہے کہ جلد ہی عوام کو پیٹرولیم مصنوعات کی قیمتوں میں بھی ریلیف مل سکتا ہے۔
رپورٹس کے مطابق خام تیل کی قیمت 3 سے 4 ڈالر فی بیرل تک کم ہو گئی ہے، جو حالیہ ہفتوں کی سب سے بڑی کمی تصور کی جا رہی ہے۔ ماہرین کے مطابق اس کمی کی بنیادی وجوہات میں عالمی طلب میں کمی، اقتصادی سست روی اور مشرق وسطیٰ کی کشیدہ صورتحال میں وقتی ٹھہراؤ شامل ہے۔
پاکستان میں اس کمی کا براہ راست اثر پیٹرول، ڈیزل اور دیگر مصنوعات کی قیمتوں پر پڑ سکتا ہے، لیکن اس کا انحصار حکومتی پالیسی اور لیوی ٹیکسز پر ہوگا۔
عوامی حلقے اُمید کر رہے ہیں کہ آنے والے دنوں میں حکومت اس کمی کا فائدہ براہ راست صارفین تک منتقل کرے گی۔
