غزہ میں بھوکے بچے
غزہ میں بھوکے بچے
غزہ میں اسرائیلی ناکہ بندی کے باعث بھوک اور قحط کا بحران شدت اختیار کر گیا
غزہ میں کئی ہفتوں سے جاری اسرائیلی ناکہ بندی کے باعث امدادی سامان کی ترسیل مکمل طور پر معطل ہو چکی ہے، جس سے بچوں سمیت لاکھوں افراد بری طرح متاثر ہو رہے ہیں۔
امدادی گروپس کے مطابق، غزہ میں تقریباً 95 فیصد امدادی سرگرمیاں بند ہو چکی ہیں، جبکہ بچوں کو دن میں ایک وقت کا کھانا بھی میسر نہیں۔
حماس کا کہنا ہے کہ اسرائیل بھوک اور قحط کو جنگی ہتھیار کے طور پر استعمال کر رہا ہے، جبکہ تباہ شدہ غزہ میں خوراک، ادویات اور پینے کے پانی کی شدید قلت پیدا ہو چکی ہے۔
اقوام متحدہ اور دیگر انسانی حقوق کی تنظیموں کی جانب سے غزہ تک انسانی بنیادوں پر رسائی کی اپیلیں کی جا رہی ہیں، تاہم اسرائیلی وزیر دفاع نے ان اپیلوں کو مسترد کر دیا ہے۔
عالمی برادری سے فوری مداخلت کی اپیل کی جا رہی ہے تاکہ غزہ میں جاری انسانی بحران کو روکا جا سکے۔
