سردی کی شدت میں مزید اضافے کا امکان،محکمہ موسمیات نے پیشگوئی کر دی

سردی کی شدت میں مزید اضافے کا امکان،محکمہ موسمیات نے پیشگوئی کر دی

سردی کی شدت میں مزید اضافے کا امکان،محکمہ موسمیات نے پیشگوئی کر دی

محکمہ موسمیات نے ملک بھر میں سردی کی شدت میں مزید اضافے کا امکان ظاہر کیا ہے۔موسمیاتی ماہرین کے مطابق 15 دسمبر سے سرد ہوائیں پاکستان کا رخ کرلیں گی جس کے باعث کراچی سمیت ملک کے بہت سےعلاقوں میں سردی کی شدت میں اضافہ اور درجہ حرارت گرنے کے امکانات ہیں۔

روزنامہ”جنگ ” کے مطابق 15 دسمبر جمعہ کے روز ملک کے بیشتر علاقوں میں موسم سرد اور خشک جبکہ شمالی علاقوں میں شدید سرد اور مطلع جزوی ابر آلود رہنے کے علاوہ سردی کی شدت میں اضافہ ہو گا۔جبکہ شمالی مغربی بلوچستان کے چند اضلاع میں موسم ابر آلود رہنے کے ساتھ بارش کا بھی امکان ہے۔اس کے علاوہ پنجاب، خیبر پختونخوا کے میدانی علاقوں اور بالائی سندھ میں صبح اور رات کے اوقات میں سموگ / دھند چھائے رہنے کی پیش گوئی کی گئی ہے۔ رپورٹ کے مطابق آئندہ ہفتے کے روز بھی بالائی خیبرپختونحوا، کشمیر اور گلگت بلتستان میں موسم ابر آلود رہنے کے ساتھ بارش کاامکان کیساتھ سردی کی شدت میں اضافہ ہو گا۔جبکہ پنجاب، خیبر پختونخوا کے میدانی علاقوں اور بالائی سندھ میں صبح اور رات کے اوقات میں سموگ / دھند چھائے رہنے کا امکان ہے۔اس دوران ملک کے بیشتر علاقوں میں موسم سرد اور خشک رہے گا۔