سڈنی (آسٹریلیا): آسٹریلیا کے مشہور بونڈی بیچ پر یہودیوں کی حنوکا تقریب کے دوران ہولناک دہشت گرد فائرنگ میں زخمی حملہ آور 24 سالہ نوید اکرم پر دہشت گردی سمیت کل 59 سنگین الزامات عائد کر دیے گئے ہیں۔ نیو ساؤتھ ویلز پولیس نے 17 دسمبر کو نوید اکرم کو 15 قتل، دہشت گردی کا ایکٹ، اور درجنوں افراد کو زخمی کرنے کے الزامات پر چارج کیا۔
یہ حملہ 14 دسمبر کو ہوا جب نوید اکرم اور اس کے 50 سالہ باپ ساجد اکرم نے تقریب میں شامل لوگوں پر فٹ برج سے اندھا دھند فائرنگ کی۔ پولیس کی جوابی کارروائی میں ساجد اکرم ہلاک ہو گیا جبکہ نوید شدید زخمی ہو کر اسپتال میں داخل ہے۔
دہشت گردی کے ثبوت: پولیس کے مطابق حملہ ISIS سے متاثر تھا۔ نوید کی کار سے ISIS جھنڈے اور improvised explosive devices (IEDs) برآمد ہوئے۔ باپ بیٹے نے حملے سے پہلے فلپائنز کا دورہ کیا جہاں ممکنہ طور پر ملٹری سٹائل ٹریننگ لی۔ نوید 2019 میں بھی ASIO کی نظر میں تھا۔
آسٹریلیوی وزیراعظم انتھونی البانیز نے اسے antisemitic دہشت گردی قرار دیا۔ متاثرین میں ایک 10 سالہ بچی اور ربائی بھی شامل ہیں۔
یہ آسٹریلیا کی تاریخ کا بدترین دہشت گرد حملہ ہے۔ تحقیقات جاری ہیں۔