سلوواکیہ نے ریچھ کے گوشت کی فروخت کی منظوری دے
دی
سلوواکیہ نے ریچھ کے گوشت کی فروخت کی منظوری دے دی
سلوواکیہ کی حکومت نے حال ہی میں بھورے ریچھ کے گوشت کی عوامی فروخت کی منظوری دے دی ہے، جس کے تحت اگلے ہفتے سے وزارت ماحولیات کے زیر انتظام ادارے یہ گوشت قانونی اور حفظانِ صحت کے تقاضوں کے مطابق فروخت کر سکیں گے۔
یہ فیصلہ اس وقت سامنے آیا ہے جب حکومت نے ملک میں ریچھوں کی بڑھتی ہوئی تعداد اور انسانوں پر حملوں کے واقعات کے پیش نظر 1,300 بھورے ریچھوں میں سے تقریباً 350 کو مارنے کی اجازت دی تھی۔ حکام کا کہنا ہے کہ مارے گئے ریچھوں کا گوشت ضائع ہونے کے بجائے فروخت کیا جائے گا تاکہ وسائل کا مؤثر استعمال ہو۔
تاہم، ماحولیاتی تنظیموں اور یورپی یونین کے کچھ اراکین نے اس اقدام پر تنقید کی ہے، کیونکہ بھورے ریچھوں کو یورپی یونین میں “قریب الختام” (Near Threatened) اقسام میں شمار کیا جاتا ہے اور ان کے شکار پر سخت پابندیاں عائد ہیں۔ ناقدین کا کہنا ہے کہ حکومت کو ریچھوں کے حملوں کی روک تھام کے لیے دیگر متبادل اقدامات پر غور کرنا چاہیے تھا۔
