سابقہ مشہور گلوکارہ رابی پیرزادہ نے خاموشی سے شادی کرلی
سابقہ مشہور گلوکارہ رابی پیرزادہ نے خاموشی سے شادی کرلی
پاکستان میوزک انڈسٹری کی سابقہ مشہور گلوکارہ اوراہم سماجی کارکن رابی پیرزادہ کی دلہن بنے ہوئے تصاویر سوشل میڈیا پر وائرل ہوگئیں۔ اسلام کی تعلیمات کی وجہ سے شوبز انڈسٹری سے کنارہ کشی اختیار کرنے والی رابی پیرزادہ نے سوشل میڈیا ویب سائٹ ایکس (سابق ٹوئٹر)پر اپنی کچھ تصویریں پوسٹ کی ہیں جن میں وہ دلہن بنی ہوئی دکھائی دے رہی ہیں۔ایکس پر پوسٹ کی گئی تصاویر میں رابی پیرزادہ سلور رنگ کا خوبصورت عروسی لباس پہنے ہوئے ہیں جس کے ساتھ انہوں نے دلکش زیورات بھی پہنے ہوئے ہیں ۔تصویر میں رابی پیرزادہ اپنا دوپٹہ تھامے پوز دیتے ہوئے مسکرا رہی ہیں جبکہ تصویر کسی شادی ہال میں شوٹ کی گئی ہے۔ اس تصویر کے ساتھ رابی پیرزادہ نے لکھا کہ جب ٹوٹا ہوا دل جڑ جاتا ہے تو وہ دنیا کی کسی بھی چیز سے زیادہ مضبوط ہو جاتا ہے۔
