راولپنڈی میں گیس پائپ لائن میں دھماکہ، بہت سے گھروں اور آئل ریفائنری کی سپلائی لائن کو آگ نے لپیٹ میں لے لیا
راولپنڈی میں گیس پائپ لائن میں دھماکہ، بہت سے گھروں اور آئل ریفائنری کی سپلائی لائن کو آگ نے لپیٹ میں لے لیا
میڈٰیا رپورٹس کے مطابق راولپنڈی کے علاقے دھمیال میں گیس پائپ لائن میں بہت بڑا دھماکا جوڑیاں کے مقام پر ہوا، دھماکے کی وجہ سے آگ بھڑک اٹھی۔موقع پر موجوس لوگوں کا بتانا ہے کہ سپلائی لائن میں دھماکے کے بعد لگنے والی آگ نے بہت سے گھروں کو بھی لپیٹ میں لے لیا ہے تاہم ریسکیو ذرائع کا بتانا ہے کہ آگ نے گیس لائن، آئل ریفائنری کی سپلائی لائن اور ایک گھر کو لپیٹ میں لے رکھا ہے۔
ریسکیو ٹیمیں موقع پر پہنچ چکی ہیں، 3 فائر ٹینڈرز سمیت 6 ایمرجنسی گاڑیاں آپریشن میں مصروف عمل ہیں، مزید فائر ٹینڈرز بھی واقعہ کی جگہ روانہ کر دیے گئے ہیں۔ریسکیو حکام نے بتایا ہے کہ آگ لگنے کے واقعے میں قریبی مکانات کو خالی کروا لیا گیا ہے اور آگ بجھانے کی مکمل کوشش کی جا رہی ہے۔
