غزہ میں اسرائیل کے فوجی اہلکار خطرناک بیکٹیریا کا شکار ہونے لگے۔غزہ کی جنگ میں شریک متعدد فوجی آنتوں کی بیماری میں مبتلا ہوگئے ہیں۔اسرائیلی اخبار کی رپورٹ کے مطابق جنگ کے دوران ملنے والے غیر معیاری کھانوں اور انہیں محفوظ رکھنے کے نامناسب انتظامات کے باعث بہت سے فوجی شیگلا نامی مہلک بیکٹیریا میں مبتلا ہوگئے ہیں جس کے باعث اسرائیلی فوجی پیٹ کے امراض سمیت تیز بخار اور پیچش کا شکار بھی ہو رہے ہیں۔بیماری میں مبتلا درجنوں فوجی اہلکار اسرائیلی اسپتالوں میں منتقل کئے جا رہے ہیں۔
“فوکس نیوز” کے مطابق اسرائیلی اخبار کا کہنا ہے کہ جنگ شروع ہونےکے بعد سے اسرائیلی شہری اپنی فوج کے لیےکھانا بجھوا رہے ہیں، شہریوں کا بھیجا کھانا اکثر خراب ہو جاتا ہے جو فوجیوں کو لگنے والی بیماریوں کا سبب ہے۔اسرائیلی طبی ماہرین کے مطابق بیمار ہونے والے فوجی شیگلا نامی بیکٹیریا سے متاثر ہوئے ہیں۔