فوٹو اور ویڈیو شیئرنگ سوشل میٰڈیا ایپلیکیشن انسٹاگرام پر شوبز سے متعلق خبریں بتانے والے کئی پیجز نے دونوں کے درمیان طلاق کی افواہوں کا تذکرہ کیا ہے۔
دونوں کے درمیان علیحدگی کی افواہیں اس وقت سامنے آئیں جب ثناء اور عمیر نے ایک دوسرے کے ہمراہ لی گئی تصاویر انسٹاگرام سے ہٹا دیں۔
ان تصاویر میں شادی کی تصاویر بھی شامل تھیں، اس سے قبل دونوں نے کئی تصویریں شیئر کررکھی تھیں جو کہ اب ان کے اکاؤنٹ پر ان میں سے کوئی بھی تصویر موجود نہیں۔
اس کے علاوہ اگر ہم بات کریں دونوں کی فالوونگ کی تو اداکارہ اور گلوکار دونوں نے ہی انسٹاگرام پر ایک دوسرے کو فالو کیا ہوا ہے ۔
سوشل میڈیا پر ناقدین اور مداح دونوں ہی اداکار جوڑے کی ازدواجی زندگی اور تعلق کے حوالے سے تبصرے کرتے نظر آ رہے ہیں البتہ ثناء جاوید اور عمیر جسوال کی جانب سے ابھی تک ان افواہوں کی تصدیق یا تردید نہیں کی گئی۔
یہاں یہ بات بھی قابلِ ذکر ہے کہ ان افواہوں کا چرچہ گزشتہ کئی دنوں سے سوشل میڈیا پر زور و شور سے ہورہا ہے۔
واضح رہے کہ اداکارہ ثناء جاوید اور گلوکار عمیر جسوال کی شادی کووڈ کے دوران اکتوبر 2020 میں ایک پرائیویٹ تقریب میں ہوئی تھی جس میں چند دوست احباب اور رشتہ داروں نے شرکت کی تھی۔
