چین میں چکن گونیا کا خوفناک پھیلاؤ: ایک ماہ میں 8 ہزار کیسز نے حکام کو پریشان کر دیا
چین کے جنوبی صوبے گوانگ ڈونگ میں چکن گونیا وائرس کا پھیلاؤ خطرناک حد تک بڑھ گیا ہے۔ مقامی حکام کے مطابق صرف ایک ماہ میں 8 ہزار سے زائد کیسز رپورٹ ہو چکے ہیں، جن کا مرکز فوشان شہر ہے۔ یہ وائرس مچھروں کے کاٹنے سے پھیلتا ہے اور تیز بخار، شدید جوڑوں کا درد، اور خارش جیسی علامات کا باعث بنتا ہے۔ چینی حکام نے وبا پر قابو پانے کے لیے سخت اقدامات شروع کر دیے، جن میں ڈرونز سے مچھر مار اسپرے، کھڑے پانی کی نشاندہی، اور مچھروں کی افزائش روکنے کے لیے جینیاتی طور پر تبدیل شدہ مچھر چھوڑنا شامل ہیں۔ ہانگ کانگ میں بھی ایک 12 سالہ بچے میں چکن گونیا کا کیس رپورٹ ہوا۔ کیا چین اس وبا پر قابو پا سکے گا؟