شہری خبردار! قربانی کی کھالیں کالعدم تنظیموں کو دینے پر کارروائی ہوگی: محکمہ داخلہ پنجاب
شہری خبردار! قربانی کی کھالیں کالعدم تنظیموں کو دینے پر کارروائی ہوگی: محکمہ داخلہ پنجاب
عیدالاضحیٰ کے قریب آتے ہی محکمہ داخلہ پنجاب نے شہریوں کو خبردار کیا ہے کہ وہ قربانی کی کھالیں صرف حکومت سے منظور شدہ فلاحی اداروں کو دیں۔ کالعدم تنظیموں کو کھالیں دینے والے افراد کے خلاف دہشت گردی ایکٹ کے تحت سخت کارروائی کی جائے گی۔
محکمہ داخلہ کے ترجمان کے مطابق، صرف وہی ادارے کھالیں جمع کر سکتے ہیں جنہوں نے ضلعی انتظامیہ سے پیشگی اجازت حاصل کی ہو۔ ہر ادارہ کھالیں جمع کرنے کے لیے علیحدہ اجازت نامہ، رسید بکس اور نمائندوں کی فہرست فراہم کرے گا۔
🔸 نوٹیفکیشن کے مطابق:
کوئی بھی فرد یا ادارہ بغیر اجازت کے کھالیں اکٹھی نہیں کر سکتا۔
خلاف ورزی کی صورت میں مقدمہ درج ہوگا۔
شہری مشکوک سرگرمی کی اطلاع قریبی تھانے یا ہیلپ لائن پر دیں۔
یہ اقدام اس لیے اٹھایا گیا ہے تاکہ قربانی کی کھالوں کی آڑ میں کالعدم تنظیموں کو مالی وسائل فراہم ہونے سے روکا جا سکے۔
