امریکی جریدے نے بھارتی خواب چکنا چور کر دیے، پاک فضائیہ کو مان لیا نمبر ون!
امریکی جریدے نے بھارتی خواب چکنا چور کر دیے، پاک فضائیہ کو مان لیا نمبر ون!
امریکی دفاعی جریدے نے ایک تازہ رپورٹ میں پاکستان فضائیہ کی صلاحیتوں اور فضائی برتری کو تسلیم کرتے ہوئے بھارت کے لیے تشویش ناک اشارہ دیا ہے۔ رپورٹ میں کہا گیا ہے کہ حالیہ فضائی مشقوں اور دفاعی چوکسی کے مظاہروں نے دنیا کو واضح پیغام دے دیا ہے کہ پاکستان کی فضائی قوت نہ صرف فعال بلکہ ہر قسم کی جارحیت کا موثر جواب دینے کی بھرپور صلاحیت رکھتی ہے۔
جریدے کے مطابق، پاکستان ایئر فورس نے جدید ترین جنگی حکمتِ عملی، ٹیکنالوجی اور تجربہ کار پائلٹس کی مدد سے خود کو جنوبی ایشیا کی ایک طاقتور فضائی فورس کے طور پر منوایا ہے۔ بھارت کی طرف سے حالیہ کشیدگی اور فوجی سرگرمیوں میں اضافے کے بعد، یہ تجزیہ بھارت کے لیے بڑا دھچکہ قرار دیا جا رہا ہے۔
یہ رپورٹ اس وقت سامنے آئی ہے جب پاکستان اور بھارت کے درمیان سرحدی کشیدگی میں اضافہ ہوا ہے، اور دونوں ممالک کی فضائی نقل و حرکت پر عالمی میڈیا کی گہری نظر ہے۔
