پاکستان کی حمایت کی سزا! بھارت نے تین ممالک کے خلاف بائیکاٹ مہم چلا دی

بھارت میں پاکستان کی حمایت کرنے والے تین ممالک کے خلاف شدید ردعمل سامنے آیا ہے۔ بھارتی انتہا پسند حلقوں کی جانب سے سوشل میڈیا پر بائیکاٹ مہم کا آغاز کر دیا گیا ہے، جس میں ان ممالک کی مصنوعات، کمپنیز اور ثقافتی اثرات کے بائیکاٹ کا مطالبہ کیا جا رہا ہے۔

یہ مہم اس وقت شدت اختیار کر گئی جب مذکورہ ممالک نے حالیہ پاک بھارت کشیدگی میں پاکستان کے مؤقف کی حمایت کی۔ بھارتی میڈیا اور قوم پرست تنظیمیں اس مہم کو مزید ہوا دے رہی ہیں، جس سے سفارتی سطح پر بھی تناؤ میں اضافہ دیکھنے میں آیا ہے۔

تجزیہ کاروں کا کہنا ہے کہ اس قسم کے ردعمل سے نہ صرف بھارت کا عالمی امیج متاثر ہوگا بلکہ خطے میں مزید سفارتی پیچیدگیاں پیدا ہو سکتی ہیں۔