شناختی کارڈ بنوانے کے خواہشمند افراد کیلئے اہم خبر

نادرا کی جانب سے شناختی کارڈ کے حصول کے خواہشمند افراد کے لیے ایک اہم اعلان سامنے آیا ہے۔ نادرا حکام نے کہا ہے کہ نئے نظام کے تحت درخواست گزاروں کو اب پہلے سے وقت لینا ہوگا تاکہ دفتر میں رش کم ہو اور خدمات کا معیار بہتر بنایا جا سکے۔

نادرا نے اپنے مراکز پر روزانہ سینکڑوں افراد کی آمد کے باعث سسٹم کو مزید مؤثر بنانے کے لیے “آن لائن اپائنٹمنٹ سسٹم” فعال کر دیا ہے۔ اس نظام کے تحت شناختی کارڈ، اس کی تجدید یا درستگی کے خواہشمند افراد نادرا کی ویب سائٹ یا موبائل ایپ کے ذریعے اپائنٹمنٹ لے سکتے ہیں۔

حکام کا کہنا ہے کہ بغیر وقت لیے آنے والے افراد کو مشکلات کا سامنا کرنا پڑ سکتا ہے، لہٰذا عوام الناس کو ہدایت کی گئی ہے کہ وہ پہلے سے وقت لے کر نادرا دفاتر کا رخ کریں تاکہ انہیں انتظار نہ کرنا پڑے اور خدمات فوری فراہم کی جا سکیں۔