صارفین سے کتنے ٹیکس لیے جا رہے ہیں؟ موبائل کمپنیوں کی خفیہ کمائی بے نقاب
صارفین سے کتنے ٹیکس لیے جا رہے ہیں؟ موبائل کمپنیوں کی خفیہ کمائی بے نقاب
پاکستان میں موبائل استعمال کرنے والے لاکھوں صارفین سے ہر ماہ بھاری ٹیکس وصول کیے جا رہے ہیں، جن کی مکمل تفصیل پہلی بار سامنے آ گئی ہے۔ مختلف موبائل کمپنیوں کی سروسز پر وفاقی و صوبائی حکومتوں کی جانب سے عائد کیے گئے ٹیکسز کی شرح نے صارفین کو تشویش میں مبتلا کر دیا ہے۔
ذرائع کے مطابق موبائل ریچارج پر تقریباً 15 فیصد ودہولڈنگ ٹیکس، 19.5 فیصد سروسز ٹیکس، اور دیگر چارجز شامل ہیں، جس کے باعث 100 روپے کا بیلنس لوڈ کرنے پر صارفین کو صرف 60 سے 65 روپے کی سروس ملتی ہے۔
مزید حیران کن بات یہ ہے کہ فون کالز، انٹرنیٹ ڈیٹا اور ایس ایم ایس پر بھی ان ڈائریکٹ ٹیکسز لاگو ہوتے ہیں، جن سے نہ صرف صارفین متاثر ہو رہے ہیں بلکہ ملک میں ڈیجیٹل ایکسیس کو بھی نقصان پہنچ رہا ہے۔
حکومت نے آئندہ بجٹ میں ان ٹیکسز میں کمی کا عندیہ دیا ہے تاکہ عوام کو ریلیف دیا جا سکے۔ تفصیلات کا انتظار ہے، لیکن صارفین میں تشویش بڑھتی جا رہی ہے کہ کیا واقعی کوئی بڑا ریلیف آئے گا یا یہ صرف وعدے ہی رہیں گے؟
