پچھلا سال ایک لاکھ سالہ تاریخ کا گرم ترین سال رہا، یورپی سائنسدان

پچھلا سال ایک لاکھ سالہ تاریخ کا گرم ترین سال رہا، یورپی سائنسدان

پچھلا سال ایک لاکھ سالہ تاریخ کا گرم ترین سال رہا، یورپی سائنسدان

یورپی سائنس دانوں نے دعوی کیا ہے  کہ گزشتہ برس ماضی کی نسبت درجہ حرارت میں بڑے اضافے کے ساتھ دنیا کی پچھلی ایک لاکھ سالہ تاریخ کا گرم ترین سال تھا۔

برطانوی میڈیا کی رپورٹس مطابق کوپرنیکس کلائمیٹ چینج سروس (سی 3 ایس) نے کہا ہے کہ ماضی قریب میں موسمیاتی ریکارڈز کے بار بار ٹوٹنے کے بعد سائنس دانوں کی طرف سے اس صورت حال کی توقع کا اظہار کیا گیا تھا۔ گزشتہ برس جون کے بعد سے ہر مہینہ پچھلے برسوں کے انہی مہینوں کے مقابلے میں ریکارڈ پر دنیا کے سب سے زیادہ گرم مہینے رہے۔ سی 3 ایس کے ڈائریکٹر کارلو بوونٹیمپو نے کہا ہے کہ ’اپنی آب و ہوا کے لحاظ سے یہ ایک بہت ہی عجیب سال رہا ہے، خیال رہے کہ دنیا کے مختلف ممالک نے 2015 کے پیرس معاہدے میں اس بات پر اتفاق کیا تھا کہ گلوبل وارمنگ کو 2.7 ڈگری فارن ہائیٹ سے تجاوز کرنے سے روکنے کی کوشش کی جائے تاکہ اس کے نقصان دہ  نتائج سے بچا جا سکے۔بہت سے ممالک نے اس ہدف کی خلاف ورزی تو نہیں کی لیکن سی 3 ایس نے کہا کہ 2023 کے تقریباً نصف دورانیے میں درجہ حرارت اس سطح سے تجاوز کر گیا تھا جس نے ’ایک خطرناک مثال‘ قائم کی ہے۔