کرسمس کے موقع پر شوہر سے حاصل ہوئے تحفے نے خاتون کو کروڑ پتی بنادیا

کرسمس کے موقع پر شوہر سے حاصل ہوئے تحفے نے خاتون کو کروڑ پتی بنادیا

امریکہ کی رہائشی  ایک خاتون کو کرسمس پر اس کے شوہر نے تحفے میں لاٹری کا ٹکٹ کا لا کر دیا اور جس نے خاتون کو کروڑ پتی بنا دیا۔انڈیا ٹائمز کے مطابق پامیلا نامی یہ خاتون واشنگٹن کی رہائشی ہے جسے اس کے شوہر نے ڈی سی لاٹری کا ٹکٹ لا کر دیا تھا جس پر اس کا 20لاکھ ڈالر (تقریباً 15کروڑ 34لاکھ روپے) کا بڑا جیک پاٹ لگ گیا ۔
پامیلا کا کہنا ہے کہ ”مجھے دو دسمبر کو میرے شوہر نے یہ ٹکٹ تحفے میں دیا تھا اور کرسمس کے موقع پر ہمیں علم ہوا کہ اس پر ہمارا انعام بھی نکل آیا ہے۔اس لاٹری نے ہماری زندگی کو مکمل طور پر بدل دیا ہے۔ ہمارے بچے کالج میں ہیں چنانچہ یقینا اس رقم سے ہم اپنے بچوں کی کالج کی فیسیں بھی  ادا کریں گے۔ اس کے علاوہ ہم نے یہ بھی فیصلہ کیا ہے کہ جزائر غرب الہند میں چھٹیاں گزارنے جائیں گے اور یقینا کچھ رقم ہم اپنے بچوں کے مستقبل کے لیے محفوظ بھی کریں گے۔