پیشاب کی رنگت پیلی کیوں ہوتی ہے؟ ماہرین نے راز کھول دیا
پیشاب کی رنگت پیلی کیوں ہوتی ہے؟ ماہرین نے راز کھول دیا
طبی ماہرین اس بارے میں پہلے بھی بہت کچھ جانتے تھے کہ انسانی جسم سے خارج ہونے والے بعض پروٹین پیشاب کی مخصوص رنگت کی وجہ بنتے ہیں تاہم انسانی ذہن میں آنے والے اس سوال کا اب ماضی سے زیادہ یقین کیساتھ جواب سامنے آگیا ہے
نجی ٹی وی ڈان نیوز کے مطابق تازہ تحقیق سے پتہ چلا ہے کہ انسانی جسم میں ایک مادہ بلیروبن نامی خارج ہوتا ہے جس کے سبب پیشاب کی رنگت پیلی ہو جاتی ہے۔ یہ مخصوص پروٹین خون کے سرخ خلیات میں بنتا ہے مگر خون میں حل نہیں ہو پاتا بلکہ انسانی جسم میں موجود اس پانی میں حل ہوتا ہے جو جگر، گردوں اور آنتوں میں پایا جاتا ہے اور آخر کار پیشاب کی صورت خارج ہوتا ہے اور اسی کے سبب پیشاب کا رنگ پیلا مائل ہو جاتا ہے۔
تحقیق میں مزید بتایا گیا کہ بلیروبن کا اپنا رنگ بھی پیلا ہی ہوتا ہے اس لئے پیشاب ہمیں پیلے رنگ کا نظر آتا ہے۔ ماہرین نے یہ بھی کہا ہے کہ بلیروبن عام طور پر بالغ افراد کے خون میں حل نہیں ہوپاتا لیکن بچوں کے خون میں حل ہو جاتا ہے اسی لئے بچے پیلیا کا شکار بھی ہو جاتے ہیں۔
ماہرین نے امید بھی ظاہر کی ہے کہ پیشاب کے پیلے رنگ کا سبب پتہ چلنے سے مزید تحقیق کے راز کھلیں گے اور اب یہ بھی پتہ چلایا جا سکے گا کہ پیشاب کے بدلتے رنگ اور ٹیسٹوں کی مدد سے مختلف بیماریوں کی نشاندہی میں بہت زیادہ مدد ملے گی۔
