چودھری نثار بھی میدان میں آگئے،عمران خان اور( ن )لیگ سے متعلق کیا کہا؟ جانیے
چودھری نثار بھی میدان میں آگئے،عمران خان اور( ن )لیگ سے متعلق کیا کہا؟ جانیے
سابق وزیرداخلہ و ن لیگ کے متحرک رہنما چودھری نثار علی خان بھی انتخابی میدان میں وارد ہو گئے ہیں، ایک جلسے سے خطاب میں انہوں نے بانی تحریک انصاف عمران خان اور( ن) لیگی قیادت پر تنقید کرنے سے مکمل طور پر گریز کیا۔
راولپنڈی کے چکری روڈ پر گاؤں راجڑ میں ایک انتخابی جلسے سے خطاب کرتے ہوئے انہوں نے کہا کہ این اے 53 ،54سمیت پی پی 10 سے بطورآزاد امیدوار الیکشن لڑوں گا،اللہ کا شکر ہے میری خدمت کے نشانات ہر جگہ موجود ہیں ،یہاں ترقیاتی کام کئے اس علاقے کی تقدیر ہی بدل کر رکھ دی ہے ۔
ان کا مزید کہنا تھا کہ سب نتائج خود دیکھوں گا ،کیسے ہوسکتا ہے قومی سے ہار کر صوبائی حلقے سے جیت رہا ہوں ،پولنگ شروع اور گنتی ختم ہونے تک تمام سپورٹرزمکمل طورپرہوشیار رہیں ،کسی بھی گڑ بڑ کی صورت میں اطلاع دیں،پاکستان مشکل ترین دور سے گزر رہا ہے۔
ان کا مزید کہنا تھا کہ میں تنقید کر کے ووٹ نہیں لینے کا عادی نہیں ہوں،عمران خان پر تنقید کر سکتا ہوں جو نہیں کرونگا کیونکہ وہ میرا 50 سال پرانا دوست ہے ،مسلم لیگ (ن )سے میرا تعلق رہا مگر تنقید نہیں کرونگا ۔
