سندھ میں اربوں روپے کی سرکاری گندم چوری ہونے کا انکشاف

سندھ میں اربوں روپے کی سرکاری گندم چوری ہونے کا انکشاف

سندھ میں اربوں روپے کی سرکاری گندم چوری ہونے کا انکشاف

محکمہ خوراک سندھ میں گندم کی خریدو فروخت اور محفوظ کرنے کی مد میں 12 ارب 28 کروڑ روپے کےمبینہ غبن اور نقصان کا انکشاف ہوا ہے۔

ہم نیوز کی رپورٹ کے مطابق سندھ آڈٹ حکام نے اپنی ایک تازہ ترین رپورٹ میں چونکا دنیے والا انکشاف کیا ہے کہ سندھ کے 12 اضلاع کے محکمہ فوڈ میں اربوں روپے کی گندم چوری، فراڈ اور غبن ہوا ہے۔رپورٹ میں یہ بھی انکشاف ہوا ہے کہ ایک فوڈ کنڑولر خیرپور نے 3 کروڑ کی مبینہ کرپشن بھی کی ہے، کھلے آسمان تلے گندم رکھنے پر ساڑھے سات ارب کا نقصان ہوا۔سندھ کے چار اضلاع میں وقت پر گندم اسٹاک نہ نکالنے پر 1 ارب روپے کا نقصان ہوا، ضلع مٹیاری کے ایک فوڈ انسپکٹر نے ایک ارب روپے کی گندم خورد برد کی یا کروائی۔رپورٹ میں مزید انکشاف ہوا ہے کہ باردانہ خریداری اور ٹرانسپورٹ کی مد میں محکمہ فوڈ کو 50 کروڑ روپے کا نقصان ہوا، گھوٹکی اور لاڑکانہ میں دو کروڑ روپے کی گندم چوری ہوئی۔محکمہ فوڈ سندھ کے مطابق یہ معاملہ مالی سال 2021 اور 2022 میں سامنےآیا تھا، مبینہ کرپٹ افسران اور حکام کے خلاف کارروائی جاری ہے۔