یہ سال شوبز کے کن ستاروں کو اپنے ساتھ لے گیا
قوی خان، شکیل، ماجد جہانگیر، شعیب ہاشمی امجد اسلام امجد اور ضیا محی الدین، شکیل احمد، یعقوب عاطف جیسے تمام مشہور و معروف اداکار اور ادب نگار سال 2023میں انتقال کر گئے۔ یہ تمام شخصیات اداکاری کی اکیڈمی سمجھے اور مانے جاتے تھے۔
امجد اسلام امجد، شعیب ہاشمی ،قوی خان اور ضیاء محی الدین اپنی ذات میں آپ ایک ادارہ تھے جن کی اداکاری کی دنیا میں اور ادب کی تاریخ میں خدمات کو ہمیشہ اچھے الفاظ میں یاد رکھا جائے گا۔
پاکستان کے مقبول ترین کامیڈین ماجد جہانگیرنے 10 جنوری 2023 کو اس جہان فانی سے کوچ کیا۔10 فروری کو امجد اسلام امجد 78 سال کی عمر میں وفات پا گئے،،13 فروری کو ضیاء محی الدین اس دنیا کو داغ مفارقت دے گئے
کینسر جیسے تکلیف دہ مرض میں مبتلا پاکستان کے ممتاز ٹیلی ویژن اداکار قوی خان نے اسی سال کی عمر میں 6 مارچ کو کینیڈا میں وفات پائی۔6 مئی 2023 کو پاکستانی اداکار، میزبان، مصنف اور استاد شعیب ہاشمی بھی منوں مٹی تلے چلے گئے۔
پانی دا بلبلا سے شہرت پانے والے یعقوب عاطف 12 مئی کو اس جہان فانی ست رخصت ہوئے۔سینئیر اداکار شکیل احمد طویل عرصہ بیمار رہنے کے بعد 29 جون کو فوت ہوئے۔ نامور فلم ڈائریکٹر حسن عسکری بھی کینسر کے مرض میں مبتلا ہو کر 30 اکتوبر کو وفات پا گئے
