گیس کی لوڈشیڈنگ اور قیمتوں میں اضافے کے ساتھ ساتھ لکڑی کے داموں کو بھی پر لگ گئے ایک ماہ کے دوران لکڑی کی فی من قیمت میں 400 روپے تک کا اضافہ ہوگیا۔
تفصیلات کے مطابق ملک بھر کی طرح کوئٹہ میں گیس کے بحران کے بعد لکڑی بھی نایاب ہوگئی، 400روپے اضافے کے ساتھ فی من لکڑی 1400روپے من تک پہنچ گئی۔شہریوں کا کہنا کہ شدید سردی میں ایندھن کا حصول بہت مشکل ہو گیا ہے، شہریوں نے مطالبہ کیا ہے کہ گیس کا پریشر بہتر بنانے کے لئے حکومت کو اقدامات کرنے چاہئے تاکہ ان کی مشکلات کم ہو سکیں۔
دوسری طرف لکڑی فروش کہتے ہیں کہ لکڑی دیگر صوبوں سے لا کر فروخت کرتے ہیں مہنگی ٹرانسپورٹ پٹرول کی وجہ سے لکڑی کی فی من قیمت میں اضافہ ہوا۔یاد رہے کہ گیس کی سہولت دستیاب نہ ہونے کی وجہ سے چولہا جلانے کے لیے متعدد صورتوں میں لکڑی ہی جلانا پڑتی ہے جس کے اضافی نرخوں کا بوجھ صارفین کو نڈھال کررہا ہے۔
