چئیرمین پیپلز پارٹی بلاول بھٹو نے شاہ محمود قریشی کی گرفتاری کی مذمت کردی
چئیرمین پیپلز پارٹی بلاول بھٹو نے شاہ محمود قریشی کی گرفتاری کی مذمت کردی
بلاول بھٹو زرداری نے پی ٹی آئی کے رہنما شاہ محمود قریشی کی گرفتاری کی مذمت کرتے ہوئے کہا ہے کہ ان کی جماعت گرفتاری اور انتقامی کارروائیوں پر کبھی بھی یقین نہیں رکھتی۔
سکھر میں پریس بریفنگ میں بلاول بھٹو نے کہا کہ ہم گرفتاری اور انتقامی کارروائیوں پر یقین نہیں رکھتے، کل بھی یہی ہمارا یہی مؤقف تھا اور آج بھی اسی مؤقف پہ قائم رہتے ہوئے ہم شاہ محمود قریشی کی گرفتاری کی مذمت کرتے ہیں۔ انہوں نے مزید کہا کہ جب فریال تالپور کو اسپتال سے گھسیٹ کر گرفتار کیا گیا تھا تو شاہ محمود نے کہا تھا کہ یہ انتقامی کارروائی نہیں آزاد ادارے کی کارروائی ہے، کیا شاہ صاحب آج بھی اپنے مؤقف پر قائم ہیں؟ کیا آج وہ اپنی گرفتاری کو بھی آزاد اداروں کی کارروائی سمجھ رہے ہیں ؟
