انفارمیشن ٹیکنالوجی کمپنی میٹا کی پیغام رساں ایپلی کیشن واٹس ایپ نے صارفین کو اپنی گفتگو خفیہ رکھنے کے لیے نیا سیکریٹ کوڈ فیچر متعارف کرا دیا۔ اس فیچر کو استعمال کرتے ہوئے صارفین اپنی حساس گفتگو کو مخصوص پاسورڈ کی مدد سے چھپا سکیں گے۔
اس نئے فیچر کو صارفین کے لیے پرائیویسی کو مزیدبہتر بنانے کے لیے ایک اضافی حفاظتی جہت قرار دیا گیا ہے جس کے سبب کسی اجنبی کا واٹس ایپ میں گھس کر چیٹس پڑھنا مشکل ہوجائے گا۔سیکریٹ کوڈ، چیٹ لاک نامی ایک اور فیچر پر مبنی ہے جس کا اعلان واٹس ایپ نے مئی میں کیا تھا۔ اس فیچر میں چیٹس ایک علیحدہ فولڈر میں چلی جاتی ہیں اور ان تک رسائی حاصل کرنے کے لیے صارف کو ڈیوائس کے پاسورڈ یا بائیو میٹرک کی ضرورت ہوتی ہے۔
واٹس ایپ ٹیم کے مطابق ہر چیٹ کے لیے ایک منفرد پاسورڈ (جو فون ان لاک کرنے کے پاسورڈ سے ہٹ کر ہو) رکھنے کا مقصد صارفین کو پرائیوسی کی ایک اضافی جہت کا فراہم کرنا ہے۔
کمپنی کی جانب سے مزید بھی بتایا گیا کہ صارفین کے پاس لاک کی گئی چیٹس کو فہرست سے چھپانے کا آپشن بھی ہوگا، جس کو وہ بعد میں سرچ بار میں صرف پاسورڈ لکھ کر ہی ڈھونڈ سکیں گے۔
