مکڑی نے خاتون کے کان کو ہی اپنا گھر بنا لیا
مکڑی نے خاتون کے کان کو ہی اپنا گھر بنا لیا
برطانیہ میں مکڑی نے خاتون کے کان میں ہی اپنا مسکن تیار کرلیا،خاتون نے کان میں زیتون کا گرم تیل ڈالا جس سے مکڑی باہر آگئی لیکن اسے پھر بھی درد محسوس ہوتا رہا۔
روزنامہ جنگ نے غیر ملکی میڈیا رپورٹس کے حوالے سے لکھا کہ لُوسی وائلڈ نامی خاتون کو کان میں مسلسل خارش اور سنسناہٹ محسوس ہونے پر تشویش ہوئی جس پر اس نے کان صاف کرنے والے جدید سمارٹ بڈ این الیکٹرانک ایئر کی مدد سے کان کے اندرونی حصے کا جائزہ لیا تو وہ حیران رہ گئیں کہ اس کے کان میں مکڑی موجود ہے۔
میڈیا رپورٹس کے مطابق ہسپتال جانے پر خاتون کو پتا چلا کہ مکڑی نے اس کے کان میں جالا بن دیا ہے۔ڈاکٹروں نے اب خاتون کے کان کو مکمل طور پر صاف کردیا ہے تاہم وہ اب بھی اس واقعے کو یاد کرکے خوف میں مبتلا ہوجاتی ہیں۔
