مغربی ہواؤں کا سلسلہ آج ملک میں داخل ہونے کا امکان، کن شہروں میں بارش ہو سکتی ہے؟ جانیے

نجی ٹی وی فوکس نیوز کے مطابق مغربی ہواؤں کا سلسلہ آج رات سے جنوب مغربی بلوچستان میں داخل ہونا متوقع ہے جس کے زیر اثر بدین، تھرپارکر، عمرکوٹ، اور ٹھٹھہ میں آندھی کے ساتھ درمیانی بارش کا امکان ہے۔ میرپور خاص کے کچھ حصوں میں بھی آندھی اور درمیانی بارش متوقع ہے۔ جامشورو اور کراچی کے کچھ حصوں میں ہفتہ اور اتوار کو آندھی اور بارش ہونے کا امکان ہے۔

محکمہ موسمیات نے کہا ہے کہ کراچی میں ہفتہ اور اتوار مطلع جزوی ابر آلود رہنے کا امکان ہے۔ شہر قائدؒ میں کم سے کم درجہ حرارت 17 ڈگری سینٹی گریڈ تک رہنے گا۔ کراچی میں شمال مشرق اور مشرق سے ہوائیں چلتی رہیں گی۔ سندھ کے دیگر مقامات پر موسم خشک اور رات سرد رہنے کا بھی امکان ہے۔ سندھ کے میدانی علاقوں میں صبح کے وقت دھند کا بھی امکان ہے۔