الیکشن کمیشن میں پی ٹی آئی فارن فنڈنگ ضبطگی کیس کے معاملہ پر چیف الیکشن کمشنر کی سربراہی میں تین رکنی بنچ نے سماعت کی ۔ تحریک انصاف کے وکیل نے موقف اختیار کیا کہ تحریک انصاف کو جاری کردہ نوٹس قانون کے مطابق نہیں ہے۔
انہوں نے الیکشن کمیشن میں گواہان پیش کرنے کی درخواست دے دی اور کہا کہ وہ گواہان کو طلب کرکے جرح کرنا چاہتے ہیں، قانون کے مطابق سماعت کے بغیر شوکاز نوٹس پر فیصلہ نہیں ہو سکتا۔
اس پر ایڈیشنل ڈی جی لاء نے دلائل دیتے ہوئے کہا کہ تحریک انصاف نے تمام ممنوعہ فنڈنگ تسلیم کی ہے، لہذا تحریک انصاف کے اعتراضات خارج کرتے ہوئے کمیشن کارروائی آگے بڑھائے، دلائل مکمل ہونے پر الیکشن کمیشن نے کیس کی سماعت ملتوی کر دی۔
