ملکی تاریخ سے میگا بجٹ فلم دی لیجنڈ آف مولا جٹ کی ریلیز کی تاریخ بھی آگئی تاہم اب بھی اس فلم کو ملک کے مختلف سینما گھروں میں شوز نہ مل سکے۔
فلم پروڈیوسر، ڈسٹریبیوٹر اور سنیما گھروں کے مالکان کے مابین تاحال معاہدہ طے نہ پا سکا ۔ ملک کی سب سے بڑی سینما چین Cinepax کے چیف فائننشل آفیسر طارق محبوب نے سما ڈیجٹل سے بات کرتے ہوئے بتایا کہ مذاکرات جاری ہیں ۔ جیسے ہی فلم ڈسٹریبیوٹراور پروڈیوسر سے معاملات طے پا جاتے ہیں۔ فلمی شائقین کے لیے دی لیجنڈ آف مولا جٹ کے شوز کو آپریشنل کر دیا جائے گا۔ ان کا کہنا تھا کہ کس بھی فلم کی ریلیز سے قبل ڈسٹری بیوٹر اور سینما مالکان کے درمیان معاہدہ طے پاتا ہے جس کے بعد ہی فلم کو اس سینما گھر میں نمائش کی اجازت ملتی ہے ۔
