عوام کیلئے نئی مشکل! کچن کا سب سے ضروری جزو مزید مہنگا ہوگیا
عوام کیلئے نئی مشکل! کچن کا سب سے ضروری جزو مزید مہنگا ہوگیا
لاہور – ملک میں مہنگائی کی نئی لہر نے آٹے کی قیمتوں کو بھی متاثر کیا ہے، اور 20 کلو آٹے کے تھیلے کی قیمت میں نمایاں اضافہ دیکھا جا رہا ہے۔
کریانہ مرچنٹ ایسوسی ایشن کے مطابق، گزشتہ دو ہفتوں کے دوران 20 کلو آٹے کی قیمت میں 130 روپے کا اضافہ ہوا ہے۔ فلور ملز مالکان کا کہنا ہے کہ گندم کی قیمت فی من 2300 روپے سے تجاوز کر گئی ہے، جس کے باعث آٹے کی قیمتوں میں اضافہ ناگزیر ہو گیا ہے۔
دو ہفتے قبل آٹے کا 20 کلو کا تھیلا اوپن مارکیٹ میں تقریباً 1100 روپے میں دستیاب تھا، جو اب بڑھ کر 1230 روپے تک پہنچ گیا ہے۔ فلور ملز مالکان نے امید ظاہر کی ہے کہ اگر گندم کی قیمت مستحکم ہو جائے تو آٹے کی قیمتوں میں بھی کمی ممکن ہے۔
عوامی حلقوں میں اس اضافے پر تشویش پائی جاتی ہے، کیونکہ آٹا روزمرہ زندگی کا بنیادی جزو ہے اور اس کی قیمت میں اضافہ عام آدمی کے بجٹ پر براہ راست اثر انداز ہوتا ہے۔
حکام کا کہنا ہے کہ گندم کی قیمتوں میں استحکام لانے کے لیے اقدامات کیے جا رہے ہیں تاکہ آٹے کی قیمتوں کو قابو میں رکھا جا سکے۔
