پیٹرول سستا، ڈیزل مہنگا! آئندہ 15 دن کیلئے قیمتوں کا نیا اعلان

وفاقی حکومت نے یکم مئی 2025 سے آئندہ 15 روز کے لیے پیٹرولیم مصنوعات کی قیمتوں میں معمولی ردوبدل کا اعلان کیا ہے۔ پیٹرول کی فی لیٹر قیمت میں 0.016 روپے کی کمی جبکہ ہائی اسپیڈ ڈیزل کی قیمت میں 0.01 روپے کا اضافہ متوقع ہے۔ تاہم، یہ معمولی تبدیلیاں صارفین پر منتقل نہیں کی جائیں گی، لہٰذا قیمتیں موجودہ سطح پر برقرار رہیں گی۔

اس کے برعکس، مٹی کے تیل کی قیمت میں 1.30 روپے فی لیٹر اضافہ ہو کر نئی قیمت 170.68 روپے فی لیٹر ہو گئی ہے، جبکہ لائٹ ڈیزل آئل کی قیمت میں 1.35 روپے کا اضافہ ہو کر 154.39 روپے فی لیٹر ہو گئی ہے۔

عالمی منڈی میں خام تیل کی قیمتوں میں استحکام کے باعث حکومت نے قیمتوں میں بڑے پیمانے پر تبدیلی سے گریز کیا ہے۔ برینٹ کروڈ کی قیمت 65.52 ڈالر فی بیرل اور ویسٹ ٹیکساس انٹرمیڈیٹ کروڈ کی قیمت 61.87 ڈالر فی بیرل پر برقرار ہے۔