آسٹریلیا سے دو میچز ہارنے کے بعد ٹیم مینجمنٹ نے ٹیم میں بڑی تبدیلیوں کا فیصلہ کر لیا
آسٹریلیا سے دو میچز ہارنے کے بعد ٹیم مینجمنٹ نے ٹیم میں بڑی تبدیلیوں کا فیصلہ کر لیا
کرکٹ پاکستان ٹیم کی مینجمنٹ نے آسٹریلیا کے ہاتھوں دو ٹیسٹ میچز ہارنے کے بعد تیسرے میچ کیلئے بہت ہی سخت فیصلے کرتے ہوئے امام الحق کو سست بیٹنگ کرنے پر اگلا میچ نہ کھلانے اور صائم ایوب کوڈیبیو کروانے کا فیصلہ کر لیا ہے ۔
نجی ٹی وی نے ذرائع سے دعویٰ کیاہے کہ اوپننگ بلے باز امام الحق نے 2 ٹیسٹ میچز کی 4 اننگزوں میں ایک ہاف سینچری کے ساتھ 94 رنز بنائے ، ان کی سست بیٹنگ پر ٹیم مینجمنٹ کافی ناراض ہے ، انہوں نے سیریز میں پاکستان کی طرف سے سب سے زیادہ 301 گیندیں کھیلیں لیکن سکور بہت کم بنائے ، ٹیم مینجمنٹ نے بیٹرز کو واضح پیغام دیاہے کہ مثبت اور ٹیم کیلئے بیٹنگ پر توجہ دیں، امام الحق نے دوسری اننگ میں اپنا پہلا رن 18 ویں گیند پر لیا ۔
اس کے علاوہ شاہین شاہ آفریدی جو کے ناتب کپتان بھی ہیں ان کو سڈنی ٹیسٹ سے پہلے بولنگ سے بالکل دور رکھنے کا فیصلہ بھی کیا گیاہے ۔
