’اگر کسی چیز کو سچے دل سے چاہو، تو پوری کائنات اسے تم سے ملانے کی کوشش میں لگ جاتی ہے‘: ٹویٹر پیغام
لاہور (فوکس نیوز ۔ 10 نومبر 2022ء ) ٹی ٹونٹی ورلڈکپ 2022ء کے پہلے سیمی فائنل میں پاکستان نے نیوزی لینڈ کو 7 وکٹوں سے شکست دے کر فائنل کے لیے کوالیفائی کرلیا ہے۔ پاکستان نے نیوزی لینڈ کی جانب سے دیا گیا 153 رنز کا ہدف آخری اوور میں حاصل کیا، بابر اعظم اور محمد رضوان نے نصف سنچریاں اسکور کیں۔ فائنل میں پہنچنے کے بعد پاکستان کرکٹ ٹیم کے فاسٹ بولر شاہنواز دھانی نے ٹوئٹر پر جیت پر اپنے جذبات کا اظہار کیا۔
انہوں نے ٹی ٹوئنٹی ورلڈکپ کی ٹرافی کی تصویر پوسٹ کرتے ہوئے لکھا کہ ‘اگر کسی چیز کو سچے دل سے چاہو، تو پوری کائنات اسے تم سے ملانے کی کوشش میں لگ جاتی ہے’۔
واضح رہے کہ دوسرا سیمی فائنل آج بھارت اور انگلینڈ کے درمیان کھیلا جائے گا، جب کہ ایونٹ کا فائنل اتوار کو میلبرن میں ہوگا۔
